Од Вардар до Нишава - размена со Гимназија Пирот, Србија

Проектната размена на учениците со Гимназијата “Пирот“ од Пирот, Србија

Во периодот од 23 -27 . 10. 2016 изведена е проектната размена на учениците со Гимназијата “Пирот“ од Пирот, Србија, во придружба на професорите Сузана Дулеска и Милица Митревска и 26 ученици од билингвалните француско-англиски паралелки I-9  и  II-9.

Проектот под име  “ Од Вардар до Нишава “ е веќе традиционален и се  одвива со взаемни активности на учениците . 

Според програмата првиот ден беше резервиран за презентации на училиштата и проектите како и  информации за  проектни размени со други училишта  и други држави.

За време на престојот учениците домаќини и нашите ученици присуствуваа на часовите по физика, хемија, српски јазик, работилница по француски јазик, работилница по англиски јазик  а земаа учество и во културно забавната програма и спортските активности.

Следи посета на учениците од Пирот во текот на второто полугодие учебна 2016/2017