СОРАБОТКА НА ГИМНАЗИЈАТА ОРЦЕ НИКОЛОВ СО УЧИЛИШТА ОД ФРАНЦИЈА ВО УЧЕБНАТА 2009/2010 ГОДИНА, ПРОЕКТ АЛМАКТИС

-->

МОЈОТ ГРАД

--> Гимназијата "Орце Николов" ја продолжува успешната соработка со две училишта од Франција и оваа учебна година:

а) со училиштето Бодлер од Рубе, Нор па д Кале(соработка од јуни 2006 година) и

б) со училиштето Морандиер од Гранвил, Долна Нормандија(соработка од јуни 2008 година).

Соработката се одвива преку работа на заеднички проекти на теми од екологијата, заштита на животната средина, исхраната и здравјето на младите. Во учебната 2009/2010 година заедничка тема со партнер-училиштата е "МОЈОТ ГРАД". Во проектот се вклучени 60 ученици од билингвалните паралелки на француски јазик од прва до четврта година и 5 професори.

Учениците се поделени во 8 групи според поттемата што ја работат:

1. Историја на градот Скопје(културно-историски споменици, музеи, цркви, џамии, тврдини),

2. Културниот живот во градот, цивилизација, мултикултура(традиционални и хуманитарни манифестации, претстави, фестивали, концерти, театри, опера, бела ноќ, ден на виното и сл.).

Анкета: Колку учениците од гимназијата ги следат и учествуваат во овие настани?

3. Спорт: спорт во градот, во училиштето, спортски терени, спортски сали во градот, базени.

Анкета: Колку учениците од гимназијата спортуваат?

4. Зелени површини во градот и училиштето: градини, паркови, булевари, еколошки акции: Ден на дрвото, Ден на екологијата. Учество на учениците во овие акции.
5. Јавниот транспорт во градот и загадување на воздухот(промоција на јавниот превоз и користење на велосипедите).
6. Како можеме да заштедиме енергија (во училиштето, дома)?

Обновливи извори на енергија во градот, заштита на животната средина.

(Учество на предавања, дебати, изработка на постери, изложба).

7. Водата во градот: снабдување, извори, заштита на изворите на вода за пиење, пречистување на отпадните води, заштеда на вода во градот, дома, во училиште.
8. Третирање на отпадот во градот(собирање, селектирање, рециклирање).

Предавања, едукативни работилници, еколошка акција во училиштето.

Главни цели на проектот се:

-предизвикување на реакција кај младите за последиците од загадувањето на животната средина и нивно активно вклучување во нејзината заштита,

-продлабочување на знаењата и зголемување на интересот кон природно-математичките и информатичките науки,

-подобрување на знаењата на францускиот јазик,

-интеркултурна размена.

Проектот се работи во текот на учебната година и се презентира во нашето училиште, како и при престојот на учениците и професорите во соодветното партнер училиште според однапред утврдена програма.

Во текот на престојот во Франција или Македонија предвидено е сместување на учениците и професорите во семејства од земјата домаќин.

ПРОЕКТ АЛМАКТИС - ВО КОРЧА, АЛБАНИЈА 2010